کراچی میں جیو نیوز کی وین پر فائرنگ سے انجینیئر ہلاک

September 09, 2015
09Sep15_BBCصحافی01
BBC

کراچی:ٹی وی چینل کی وین پر فائرنگ، تین ہلاک
پاکستان کے سب سے بڑے شہر کراچی میں نجی ٹی وی چینل جیو
نیوز کی ڈی ایس این جی وین پر حملے میں ایک انجینیئر ہلاک اور ڈرائیور شدید زخمی ہوگیا ہے۔یہ واقعہ منگل کی شب فیروز آباد تھانے کی حدود شہید ملت روڈ پر پیش آیا ہے۔
ڈی ایس این جی آپریٹر انجینیئر ارشد علی جعفری شدید زخمی ہونے کی وجہ سے جانبر نہ ہو سکے۔انھوں نے بتایا کہ ایک موٹر سائیکل پر تین افراد سوار تھے جن میں سے دو نے اتر کر فائرنگ کی جبکہ ایک موٹر سائیکل پر ہی موجود رہا۔ فائرنگ کے بعد حملہ آور فرار ہوگئے۔

ایس پی عابد قائم خانی کے مطابق احمد جعفری کو سات گولیاں لگی ہیں۔ زخمی انیس چوہان کو کندھے پر گولی لگی اور ان کی حالت خطرے سے باہر ہے۔ان کے مطابق اس ڈی ایس این جی وین میں چار افراد موجود ہوتے ہیں لیکن حملے کے وقت دو اتر کر دور کھڑے تھے اس لیے محفوظ رہے۔پولیس کا کہنا ہے کہ اس حملے میں بھی نائن ایم ایم پستول استعمال کیا گیا ہے، جائے وقوعہ سے گولیوں کے سات خول برآمد کیے گئے ہیں۔

دوسری جانب وزیر اعلیٰ سندھ سید قائم علی شاہ نے جیو ٹی وی کی ڈی ایس این جی وین پر فائرنگ کے واقعے کا نوٹس لیتے ہوئے ایڈیشنل آئی جی کراچی سے فوری طور پر واقعے کی رپورٹ طلب کر لی ہے۔یاد رہے کہ گذشتہ ایک سال میں کراچی میں جیو کے ملازمین پر یہ دوسرا حملہ ہے، اس سے پہلے نامور صحافی اور جیو کے میزبان حامد میر ایئرپورٹ کے قریب فائرنگ میں شدید زخمی ہوگئے تھے۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s