صنعاء پر شدید بمباری، مارب میں ماہر بارودی سرنگ ہلاک

September 07, 2015
07Sep15_AA صنعا01
al-Arabia

‘العربیہ’ نیوز چینل کے مطابق یمن میں حوثی ملیشیا کے خلاف فضائی حملوں کی قیادت کرنے والے عرب اتحاد نے شمالی صنعاء پر حملے مزید تیز کر دیئے ہیں۔سعودی عرب کی قیادت میں حملوں میں تیزی کا سلسلہ یمن میں جاری لڑائی میں متحدہ عرب امارات کے 45، سعودی عرب کے 10 اور بحرین کے پانچ فوجیوں کی ہلاکت کے بعد شروع کیا گیا ہے۔ اس سے عرب اتحادیوں نے یمن پر ابتک کی جانے والی ‘شدید ترین’ بمباری قرار دیا ہے۔
Video

سعودی اور یو اے ای کے خبر رساں اداروں کا کہنا ہے کہ اتحادی فوجیوں کی بڑے پیمانے پر ہلاکتوں کا واقعہ جمعہ کے روز پیش آیا جب حوثی باغیوں کی جانب سے داغے گئے ایک راکٹ حملے نے یمن کے مشرقی صوبے مارب کے ایک فوجی کیمپ میں گولہ بارود کے گودام تباہ کر دیا۔ ہلاک ہونے والے اماراتی اور سعودی فوجی وہیں تعینات تھے۔عرب اتحادیوں نے ہفتے کے روز اس اسلحہ ڈپو کو نشانہ بنایا جہاں سے حوثی ملیشیا نے وہ میزائل داغا کہ جس کی زد میں آ کر اتحادی فوج کے کئی درجن فوجی ہلاک ہوئے۔’العربیہ’ کے مطابق اتحادی فوج نے مارب کے سب سے بڑے اسلحہ ڈپو سمیت صنعاء میں حوثیوں کے متعدد ٹھکانے بھی تباہ کئے۔یک دوسری پیش رفت میں بین الاقوامی طور پر تسلیم کردہ آئینی صدر عبد ربہ منصور ہادی کی حامی فوج نے یمن کے جنوبی مغربی شہر تعز کے مختلف حصوں کا کنڑول حوثی باغیوں سے واپس لے لیا۔اس سال مارچ سے سعودی عرب کی قیادت میں عرب اتحاد ایرانی حمایت یافتہ حوثی ملیشیا اور منحرف صدر علی عبداللہ صالح کے وفادار باغی فوجیوں کو نشانہ بنا رہی ہے تاکہ یمن کے جلاوطن صدر کی آئینی حکومت کو دوبارہ بحال کیا جا سکے۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s